ايهاب المالكي رثاء شاعر

بعد صوتك صدى يهز الحياطين
وخيالك بعدة واكف علمنصة
وعلشفافك قصيدة تغازل الموت
شلون الموت ماينطيك فرصة
اتصيح ابصوت وارض والحم الحيل
واكض فراكك وينكسر نصة
والم اصواتك هنا صوت وهنا
صوت ايعتني حيل وصوت ينصة
وحرت قصة حياتك تبتدي منين
وانته بكل قصيدة اتصير قصة
يعصة التنتجي عليهه المحطات
عليمن تنتجي من اتريد عصة

يلمسافر غفل لا تكطع ويانه
تعودنه عليك شلون تنسانه
كلنالك وداعا علشفايف أي
بس صبت انهار دموع جوانه
ودعينالك تحن وترجعلنه اردود
بس هلمرة ندري نطول فركانه
ومشيت لوحدك صح بس ورة التابوت
راحت للكبر وياك ذكرانه
وكفنه اسشلاء يمك من بقايا حروف
بيت انطك عمودة وطاحت اركانه
يفارس مهرتك ردت بلا خيال
شجرى والمهر منك يفلت عنانه
ويسفان القوافي اشاخرك ماجيت
قوافيك اسطول يريد سفانه
وكعدنك مناطرينك علراك تعود
خل وكت الغروب يشوف خلانه
تعال عللمنصة ابيات ودن ليك
ذمة ايكولن ارجع حتى تقرانه
ويشاتل جم قصيدة نخل عطشن شوك
كالن خليرد الطش بستانه
او فرسانك قوافي وتحت امرك دوم
اشلون الملك يمشي بغير فرسانه
الموتى تلكتلك في مهرجان الموت
ماعدهم بيارغ شالو جفانه
الماتو بالمفخخ رادو ايسمعون
منك عللطاح وذبحتة اخوانه
وقريتلهم قصايد بالعراقي شلون
لمن ينكطع بالسيف شريانه
وكتلهم النار شكد كلت بالناس
ونعرفة الوكع من عطر دخانه
قريتلهم لحد مابجت ليك كبور
غيرة وحشمت للوطن موتانه
يبو الغيرة بعدنه اناطر تمر طيف
بينه وماتخلي عيون سهرانه
وصدك فرسان كلنه بس بلاك انصير
مثل الردت من الحرب خسرانه

» ايهاب المالكي كلش باتـــــــــــصالك
» ايهاب المالكي سفيـــــــــــــنة
» ايهاب المالكي اتلاكَينة
» ايهاب المالكي روحي يمك
» ايهاب المالكي زعلان